ភ្នំពេញ៖ ក្រុមកីឡាប៉េតង់កម្ពុជាដណ្តើមមេដាយ២គ្រឿងនៃព្រឹត្តិការណ៍ការប្រកួតប៉េតង់ជ្រើសរើសជើងឯកអាស៊ីនៅប្រទេសម៉ាឡេស៊ីដែលប្រព្រឹត្តិទៅនៅថ្ងៃទី១៣ ខែកក្កដា ដល់ថ្ងៃទី១៧ ខែកក្កដា ឆ្នាំ២០១៨។
លោកសុខម៉ុងជាគ្រូបង្វឹកកីឡាការិនីបានប្រាប់ពីម៉ាឡេស៊ីមកថាកីឡាការិនីកែឡេងដែលជាម្ចាស់មេដាយមាសពិភពលោក៣ជំនាន់នោះទទួលបានសំរិទ្ធក្នុងវិញ្ញាសាវាយពិន្ទុ(Shooting)ដោយចាញ់កីឡាការិនីចិនតៃប៉ិក្នុងលទ្ធផល ៤២ទល់៤៩។
ចំណែកកីឡាករឃួនលីហ៊ទទួលបានប្រាក់ក្នុងវិញ្ញាសាវាយពិន្ទុដោយចាញ់កីឡាករម៉ាឡេស៊ីនៅវគ្គផ្តាច់ព្រ័ត្រ។ ការប្រកួតប៉េតង់ជ្រើសរើសឯកកម្រិតអាស៊ីនៅប្រទេសម៉ាឡេស៊ី ក្រុមកីឡាប៉េតង់កម្ពុជាបានបញ្ជូនកីឡាការិនី ៤នាក់ ក្នុងនោះមានម្ចាស់មេដាយមាស៣ជំនាន់ គឺកីឡាការិនី កែ ឡេង កីឡា ការិនីស្រ៊ាង សុរ៉ាឃីម កីឡាការិនី អ៊ុន ស្រីយ៉ា និងកីឡាការិនី ឌួងឌីណា ដោយប្រកួតលើ២វិញ្ញាសា គឺវិញ្ញាសាវាយ យកពិន្ទុ និងវិញ្ញាសាវាយ៣នាក់ទល់៣នាក់នារី។
លោក អ៊ុក យ៉ារី គ្រូបង្វឹកយុវជនក៏បានប្រាប់ឲ្យដឹងថា ក្រុមកីឡាប៉េតង់កម្ពុជាបានបញ្ជូនកីឡាករក្រុមយុជន៤ នាក់ទៀត ក្នុង នោះកីឡាករ ឃួន លីហ៊ កីឡាករ កុយ សុភក្រ្តា កីឡាករ ភាព វ៉ាឃីម និងកីឡាករ កៅ ភក្រ្តី ដោយប្រកួតលើ២វិញ្ញាសា គឺវិញ្ញាសាវាយយកពិន្ទុ និងវិញ្ញាសាវាយ៣នាក់ទល់៣នាបុរស៕
