ក្លឹប Arsenal ប្រកាសគ្រូបង្វឹកថ្មី គឺជាអតីតគ្រូ PSG

Arsenal បាន​សម្រេច​តែង​តាំងលោក​ Unai Emery ជា​​អ្នក​ចាត់ការ​ទូទៅ​ថ្មី​ជំនួស​លោក​ Arsene Wenger ដែល​ចាកចេញ​ពី​ក្លឹប។

Emery វ័យ​៤៦​ឆ្នាំ​កំពុង​គ្មាន​ការងារ​ធ្វើ​ក្រោយ​ឈប់ពី Paris St-Germain បើ​ទោះ​ជា​បានដឹក​នាំ​ក្រុម​លើក​ពាន​ Ligue 1 និង​ពាន​បារាំង​៤​ផ្សេង​ទៀត​នៅ​២​រដូវ​កាល​ក៏​ដោយ។​ អ្នក​ចាត់​ការ​សញ្ជាតិ​អេស្ប៉ាញ​រូប​នេះ​ជោគ​ជ័យ​បំផុត​កាល​នៅ​ Sevilla ដោយ​នាំ​ក្រុម​ឈ្នះ​ Europa League ៣​រដូវ​កាល​ជាប់​គ្នា៕